Kalittokai

((Originally extracted from master file ^KALI.OCP))
((Last updated on 2004 April 14th))

• {KALI 126-1} poṉ malai cuṭar cēra pulampiya iṭaṉ nōkki
• {KALI 126-2} taṉ malaintu ulaku ētta takai mati ērtara
• {KALI 126-3} cekkar koḷ poḻutiṉāṉ oli nīvi iṉa nārai
• {KALI 126-4} mukkōl koḷ antaṇar mutu moḻi niṉaivār pōl
• {KALI 126-5} ekkar mēl iṟaikoḷḷum ilaṅku nīr taṇ cērppa
• {KALI 126-6} aṇi ciṟai iṉa kuruku olikkum kāl niṉ tiṇ tēr
• {KALI 126-7} maṇi kural eṉa ivaḷ matikkum maṉ matittāṅku ē
• {KALI 126-8} uḷ āṉṟa oliya āy iruppa kaṇṭu avai kāṉal
• {KALI 126-9} puḷ eṉa uṇarntu piṉ pulampu koṇṭu iṉaiyum ē
• {KALI 126-10} nīr nīvi kañaṉṟa pū kamaḻum kāl niṉ mārpil
• {KALI 126-11} tār nāṟṟam eṉa ivaḷ matikkum maṉ matittāṅku ē
• {KALI 126-12} alar patattu acai vaḷi vantu olka kaḻi pūtta
• {KALI 126-13} malar eṉa uṇarntu piṉ mammar koṇṭu iṉaiyum ē
• {KALI 126-14} nīḷ nakar niṟai āṟṟāḷ niṉaiyunaḷ vatinta kāl
• {KALI 126-15} tōḷ mēlāy eṉa niṉṉai matikkum maṉ matittāṅku ē
• {KALI 126-16} naṉavu eṉa pullum kāl kāṇāḷ āy kaṇṭatu
• {KALI 126-17} kaṉavu eṉa uṇarntu piṉ kaiyaṟṟu kalaṅkum ē
• {KALI 126-18} eṉa āṅku
• {KALI 126-19} pala niṉaintu iṉaiyum paital neñciṉ
• {KALI 126-20} alamaral nōy uḷ uḻakkum eṉ tōḻi
• {KALI 126-21} mati maruḷ vāḷ mukam viḷaṅka
• {KALI 126-22} putu nalam ērtara pūṇka niṉ tēr ē